ik aur dariyaa kaa saamnaa thaa 'munir' mujh ko — Muneer Niyazi

ik tez raad jaisi sadaa har makaan mein
logon ko un ke ghar mein Daraa denaa chaahiye

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

shaayad ki khudaa mein aur mujh mein
ik jast kaa aur faasla hai

tum ham-safar hue to hui zindagi aziiz
mujh mein to zindagi kaa koi hausla na thaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

laai hai ab uDaa ke gae mausamon ki baas
barkhaa ki rut kaa qahr hai aur ham hain dosto

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

ai shaaer! teraa dard baDaa ai shaaer! teri soch baDi
ai shaaer! tere siine mein is jaisaa laakh bahe dariyaa

kabhi sar pe chaDhe kabhi sar se guzre kabhi paanv aan gire dariyaa
kabhi mujhe bahaa kar le jaae kabhi mujh mein aan bahe dariyaa

mujh saa dariyaa simaT gayaa jin mein
un kinaaron ki khair ho jaae

dariyaa ko apni mauj ki tughyaaniyon se kaam
kashti kisi ki paar ho yaa darmiyaan rahe

un se bhi puchhiye kabhi apni zamin kaa karb
jo saahilon ko chhoD ke dariyaa mein aa gae