ik mauj-e-khun-e-khalq thi kis ki jabin pe thi — Mustafa Zaidi

is tarah hosh ganvaanaa bhi koi baat nahin
aur yuun hosh se rahne mein bhi naadaani hai

gham-e-dauraan ne bhi sikhe gham-e-jaanaan ke chalan
vahi sochi hui chaalein vahi be-saakhta-pan

koi ham-nafas nahin hai koi raaz-daan nahin hai
faqat ek dil thaa apnaa so vo mehrbaan nahin hai

utraa thaa jis pe baab-e-hayaa kaa varaq varaq
bistar ke ek ek shikan ki sharik thi

ham ne to luT ke mohabbat ki rivaayat rakh li
un se to pochhiye vo kis liye pachhtaate rahe

aandhi chali to naqsh-e-kaf-e-paa nahin milaa
dil jis se mil gayaa vo dobaaraa nahin milaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

mohabbat phuul banne par lagi thi
palaT kar phir kali kar li hai main ne

sote mein vo jo mujh se ham-aaghosh ho gae
jitne gile the khvaab-e-faraamosh ho gae

dil ko apne kyaa kisi kaa ghar kahun
aaj khalvat-khaana kal baazaar hai