main jab bhuke parinde dekhtaa huun apne aangan mein — Muzaffar Ahmad Muzaffar

hazaaron baar sinchaa hai ise khun-e-rag-e-jaan se
taajjub hai mire gulshan ki viraani nahin jaati

ham talkhi-e-hayaat ko aasaan na kar sake
sahraa-e-zindagi ko gulistaan na kar sake

musalmaan thaa magar teri adaa-e-fitna-parvar ne
dikhaa kar kaakul-e-pechaan mujhe kaafir banaa Daalaa

mere khvaabon ke jharokon ko sajaate rahiye
na sahi vasl magar yaad to aate rahiye

sunsaan kar diyaa mire pahlu ko le ke dil
zaalim ne luuT kar miri basti tabaah ki

sayyaad o baaghbaan mein bahut hoti hai salaah
aisaa na ho kahin gul o bulbul mein jang ho

tu chhoD ab to asir-e-qafas ko ai sayyaad
kali chaTakne lagi mausam-e-gulaab aayaa

phir saavan rut ki pavan chali tum yaad aae
phir patton ki paazeb baji tum yaad aae

muddat hui palak se palak aashnaa nahin
kyaa is se ab ziyaada kare intizaar chashm