us ke maan baap nahin hain shaayad — Navin Joshi

kuchh vaqt zaraa aur nahar duudh ki legi
farhaad ko tesha nahin manzur huaa hai

nishaan raahi ke raahon pe ho na ho lekin
nishaan raahon ke aksar mileinge raahi pe

mohabbat faqat lafz thaa ek khaali
ye kis ne kahaa thaa maaani milaa do

vo niind mili hai ki jo puuri nahin hoti
vo khvaab milaa hai ki jo maazur huaa hai

andheron ujaalon ki hai ye laDaai
bujhaaoge tum ham jalaayaa kareinge

is dafa to zindagi jaldi mein thi
kah do agli baar fursat mein mile

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe