jitnaa ki hai ifraat tiri kam-nigahi kaa — Nayan Sukh

aur sab 'maani' ne teri to banaai tasvir
par durust ho na saki chehre ki parvaaz hanuz

aaine se mujh dal ke tahayyur ko milaa dekh
ye donon baraabar hain koi besh na kam hai

idhar se sete jaao aur udhar se phahTtaa jaae
aise tarah ke kapDe ko phir siije bhi nahin

is maajraa ko jaa ke kahun kis ke ru-ba-ru
meri to dauD haigi tire aastaan tilak

vo jo ik tolaa kai maasha thi yaari tum se
ratti bhar bhi na rahaa is mein kuchh aasaar kahin

ye saaraa qaziya to ham se hai is se tum ko kyaa
tum apne ek taraf ho raho huaa so havaa

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

shaam hi se baras rahi hai raat
rang apne sambhaal kar rakhnaa