das bachchon ke abbaa hain magar hai yahi khvaahish — Nazar Barni

hai bajaa kaam ki chori mein to mashhur hain ham
peT rishvat se jo bharte hain to majbur hain ham

kisi ko de ke ''vote'' apnaa navaa-sanj-e-fughaan kyuun ho?
jo sar khaali ho ''bheje'' se to phir munh mein zabaan kyuun ho?

ab bach ke kahaan jaae har ik samt hai divaar
biivi mire pichhe hai to bachcha mire aage

''qafas mein mujh se rudaad-e-chaman kahte na Dar hamdam''
chalaa hai jis pe ''bulldozer'' vo meraa hi makaan kyuun ho?

'nazar' ne un ko jab dekhaa to daddy saath the un ke
hamaare darmiyaan har vaqt vo pir-e-mughaan kyuun ho?

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

main ne apni palkon par gham-kade sajaae hain
aarzu ke maatam mein sogvaar hasti hai

bin maange mil rahaa ho to khvaahish fuzul hai
suraj se raushni ki guzaarish fuzul hai

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa