is chashm-e-siyah-mast pe gesu hain pareshaan — Nazar Hyderabadi

isi khayaal mein har shaam-e-intizaar kaTi
vo aa rahe hain vo aae vo aae jaate hain

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

vahi saaqi vahi saaghar vahi shisha vahi baada
magar laazim nahin har ek par yaksaan asar honaa

saaqi main dekhtaa huun zamin aasmaan kaa farq
arsh-e-barin mein aur tire aastaane mein

lahu mein tairtaa phirtaa hai meraa khasta badan
main Duub jaaun to zakhmon ko dekhe-bhaale kaun

mai-kasho der hai kyaa daur chale bismillaah
aai hai shisha-o-saaghar ki talabgaar ghaTaa