mire badan mein khule jangalon ki miTTi hai — Nida Fazli

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

tum se chhuT kar bhi tumhein bhulnaa aasaan na thaa
tum ko hi yaad kiyaa tum ko bhulaane ke liye

koshish bhi kar umiid bhi rakh raasta bhi chun
phir is ke baa'd thoDaa muqaddar talaash kar

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

dil mein na ho jurat to mohabbat nahin milti
khairaat mein itni baDi daulat nahin milti

tamaam shahr mein aisaa nahin khulus na ho
jahaan umiid ho is ki vahaan nahin miltaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

sabza o gul kahaan se aae hain
abr kyaa chiiz hai havaa kyaa hai

gul kiyaa jis ne vo thaa aur magar
shama ne shikva havaaon se kiyaa