lipTaa ke shab-e-vasl vo us shokh kaa kahnaa — Nizam Rampuri

ab kyaa milein kisi se kahaan jaaein ham'nizaam'
ham vo nahin rahe vo mohabbat nahin rahi

jo kuchh ishaare hote hain sab dekhtaa huun main
saari sharaarat aap ki meri nazar mein hai

sach hai 'nizaam' yaad bhi us ko na honge ham
par kyaa karein vo ham se bhulaayaa na jaaegaa

teraa milnaa to hai mushkil magar itnaa to huaa
apnaa marnaa mujhe aasaan na huaa thaa so huaa

main na kahtaa thaa ki bahkaaenge tum ko dushman
tum ne kis vaaste aanaa mire ghar chhoD diyaa

uThtaa huun us ki bazm se jab ho ke naa-umid
phir phir ke dekhtaa huun koi ab pukaar le

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

tujhe khabar hai ki ibtidaa bhi hai intihaa bhi
jahaan-e-maani mein darmiyaan ko bhi yaad rakhnaa

zindagi ho to kai kaam nikal aate hain
yaad aaungaa kabhi main bhi zarurat mein use

hamaare kamre mein us ki yaadein nahin hain 'faazil'
kahin kitaabein kahin risaale paDe hue hain

main aksar kho saa jaataa huun gali-kuchon ke jangal mein
magar phir bhi tire ghar ki nishaani yaad rakhtaa huun