kuchh nahin chaahiye tujh se ai miri umr-e-ravaan — Noshi Gilani

zo'm kitnaa karte ho ik charaagh par apne
aur havaa ke chalne mein der kitni lagti hai

use laakh dil se pukaar lo use dekh lo
koi ek harf javaab mein nahin aaegaa

ye aarzu thi ki ham us ke saath saath chalein
magar vo shakhs to rasta badaltaa jaataa hai

kisi harf mein kisi baab mein nahin aaegaa
tiraa zikr meri kitaab mein nahin aaegaa

main tanhaa laDki dayaar-e-shab mein jalaaun sach ke diye kahaan tak
siyaahkaaron ki saltanat mein main kis tarah aaftaab likkhun

band hoti kitaabon mein uDti hui titliyaan Daal diin
kis ki rasmon ki jalti hui aag mein laDkiyaan Daal diin

kam-umri mein sunet hain
mar jaate hain achchhe log

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe