nairang-e-ishq aaj to ho jaae kuchh madad — Pandit Jawahar Nath Saqi

apne junun-kade se nikaltaa hi ab nahin
saaqi jo mai-farosh sar-e-rahguzaar thaa

falak pe chaand sitaare nikalte hain har shab
sitam yahi hai nikaltaa nahin hamaaraa chaand

ham ko bharam ne bahr-e-tavahhum banaa diyaa
dariyaa samajh ke kuud paDe ham saraab mein

vo maah jalva dikhaa kar hamein huaa ru-posh
ye aarzu hai ki nikle kahin dobaaraa chaand

qaalib ko apne chhoD ke maqlub ho gae
kyaa aur koi qalb hai is inqalaab mein

jazba-e-ishq chaahiye suufi
jo hai afsurda ahl-e-haal nahin

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

main is liye bhi zaraa us se come hi miltaa huun
bahut milo to mohabbat si hone lagti hai

chaahne vaalo pyaar mein thoDi aazaadi bhi laazim hai
dekho meraa phuul ziyaada dekh-bhaal se TuuT gayaa

kitni bhi pyaari ho har ik shai se ji uktaa jaataa hai
vaqt ke saath to chamkile zevar bhi kaale paD jaate hain

talaash-e-surat-e-taskin na kar auhaam-hasati mein
dil-e-mahzun bahal saktaa nahin is naqsh-e-baatil se