afsurda-dil ke vaaste kyaa chaandni kaa lutf — Qadr Bilgrami

jahaan gulshan vahaan gul hai jahaan gul hai vahaan bu hai
jahaan ulfat vahaan main huun jahaan main huun vahaan tu hai

dekhnaa ghaafil na rahnaa chashm-e-tar se dekhnaa
aaina jab dekhnaa meri nazar se dekhnaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

lafzon ke ehtiyaat ne maani badal diye
is ehtimaam-e-shauq mein husn-e-asar gayaa

dil dukhaanaa miraa nahin maqsad
haq-bayaani miri nahin jaati

vo aaein ham se dalil maangein
jo kah rahe hain khudaa nahin hai

ishq in zaalimon ki duniyaa mein
kitni mazlum zaat hai ai dil