soch ko jurat-e-parvaaz to mil lene do — Qateel Shifai

maanaa jivan mein aurat ik baar mohabbat karti hai
lekin mujh ko ye to bataa de kyaa tu aurat zaat nahin

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai

zindagi main bhi chalungaa tire pichhe pichhe
tu mire dost kaa naqsh-e-kaf-e-paa ho jaanaa

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

maango samundaron se na saahil ki bhiik tum
haan fikr o fan ke vaaste gahraai maang lo

sunaa hai vo mire baare mein sochtaa hai bahut
khabar to hai hi magar mo'tabar zyaada nahin