dard-e-dil kyun-ki kahun main us se — Qayem Chaandpuri

mai pi jo chaahe aatish-e-dozakh se tu najaat
jaltaa nahin vo uzv jo tar ho sharaab mein

kahtaa hai aaina ki hai tujh saa hi ek aur
baavar nahin to laa main tire ru-ba-ru karun

gandumi rang jo hai duniyaa mein
meri chhaati pe muung daltaa hai

iraad kar na paDh ke miraa khat ki ye tamaam
be-rabtiyaan hain samra-e-hangaam-e-ishtiyaaq

koi din aage bhi zaahid ajab zamaana thaa
har ik mohalle ki masjid sharaab-khaana thaa

TuuTaa jo kaaba kaun si ye jaa-e-gham hai shaikh
kuchh qasr-e-dil nahin ki banaayaa na jaaegaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

chehra chehra gham hai apne manzar mein
aur aankhon ke pichhe ek numaaish hai

tum nahin gham nahin sharaab nahin
aisi tanhaai kaa javaab nahin

jaada-e-gham mein aarzu ke sivaa
ham-safar dusraa nahin hotaa