phailti jaaegi chaaron samt ik khush-raunaqi — Rajinder Manchanda Bani

yaad tiri jaise ki sar-e-shaam
dhund utar jaae paani mein

thi paanv mein koi zanjir bach gae varna
ram-e-havaa kaa tamaashaa yahaan rahaa hai bahut

koi bhuli hui shai taaq-e-har-manzar pe rakkhi thi
sitaare chhat pe rakkhe the shikan bistar pe rakkhi thi

shaamil huun qaafile mein magar sar mein dhund hai
shaayad hai koi raah judaa bhi mire liye

paiham mauj-e-imkaani mein
aglaa paanv nae paani mein

mohabbatein na rahin us ke dil mein mere liye
magar vo miltaa thaa hans kar ki vaza-daar jo thaa

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

tere aane ki jab khabar mahke
teri khushbu se saaraa ghar mahke

murjhaa chukaa hai phir bhi ye dil phuul hi to hai
ab aap ki khushi ise kaanTon mein tauliye

yahaan pe hansnaa ravaa hai ronaa hai be-hayaai
suqut-e-shahr-e-junun kaa maatam zaraa alag hai

'kanval' khushi ki huaa karti hai yunhi takmil
gham-e-hayaat ke har bahr-e-be-karaan se guzar