miri anaa ne sabaq de ke khud-parasti kaa — Ramz Azimabadi

sabhon se miltaa huun begaana-e-talab ho kar
na dosti se gharaz hai na dushmani se mujhe

rah-e-hayaat mein kaanTon ne mehrbaan ho kar
bachaa liyaa hai azaab-e-shaguftagi se mujhe

hai samundar saamne pyaase bhi hain paani bhi hai
tishnagi kaise bujhaaein ye pareshaani bhi hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

paani ko aag kah ke mukar jaanaa chaahiye
palkon pe ashk ban ke Thahar jaanaa chaahiye

falak ne bhi na Thikaanaa kahin diyaa ham ko
makaan ki niiv zamin se haTaa ke rakkhi thi

ajab tarah se guzaari hai zindagi ham ne
jahaan mein rah ke na kaar-e-jahaan ko pahchaanaa

khud apne gham hi se ki pahle dosti ham ne
aur us ke baa'd gham-e-dostaan ko pahchaanaa