sabhon se miltaa huun begaana-e-talab ho kar — Ramz Azimabadi

rah-e-hayaat mein kaanTon ne mehrbaan ho kar
bachaa liyaa hai azaab-e-shaguftagi se mujhe

miri anaa ne sabaq de ke khud-parasti kaa
chhuDaa diyaa hai zamaane ki bandagi se mujhe

hai samundar saamne pyaase bhi hain paani bhi hai
tishnagi kaise bujhaaein ye pareshaani bhi hai

jab ki pahlu se yaar uThtaa hai
dard be-ikhtiyaar uThtaa hai

nargisi chashm dikhaa kar ke vo vahshat-zada yaar
ye gayaa vo gayaa jis tarah ghazaal aap se aap

mere dushman to puchh sakte hain
dosto tum mizaaj mat puchho

tiraa visaal baDi chiiz hai magar ai dost
visaal ko miri duniyaa-e-aarzu na banaa

nahin maalum ai yaaro 'sabaa' ke dil mein kyaa aayaa
abhi jo baiThe baiThe vo yakaayak aah kar uTThaa

zarre zarre mein mahak pyaar ki Daali jaae
bu taassub ki har ik dil se nikaali jaae