khvaab thaa yaa shabaab thaa meraa — Saqi Amrohvi

kitne hi gham nikharne lagte hain
ek lamhe ki shaadmaani se

zindagi bhar mujhe is baat ki hasrat hi rahi
din guzaarun to koi raat suhaani aae

madrasa meraa meri zaat mein hai
khud moallim huun khud kitaab huun main

tu nahin to tiraa khayaal sahi
koi to ham-khayaal hai meraa

dar-ba-dar hone se pahle kabhi sochaa bhi na thaa
ghar mujhe raas na aayaa to kidhar jaaungaa

mujh ko kyaa kyaa na dukh mile 'saaqi'
mere apnon ki mehrbaani se

jhaankte raat ke garebaan se
ham ne sau aaftaab dekhe hain

shor din ko nahin sone detaa
shab ko sannaaTaa jagaa detaa hai

raushni ho rahi hai kuchh mahsus
kyaa shab aakhir tamaam ko pahunchi

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein