mujh ko kyaa kyaa na dukh mile 'saaqi' — Saqi Amrohvi

kitne hi gham nikharne lagte hain
ek lamhe ki shaadmaani se

zindagi bhar mujhe is baat ki hasrat hi rahi
din guzaarun to koi raat suhaani aae

madrasa meraa meri zaat mein hai
khud moallim huun khud kitaab huun main

tu nahin to tiraa khayaal sahi
koi to ham-khayaal hai meraa

dar-ba-dar hone se pahle kabhi sochaa bhi na thaa
ghar mujhe raas na aayaa to kidhar jaaungaa

mein ab tak din ke hangaamon mein gum thaa
magar ab shaam hoti jaa rahi hai

na tum hosh mein ho na ham hosh mein hain
chalo mai-kade mein vahin baat hogi

sau fasaad ek ishq mein uTThe
boyaa ik tukhm uge hazaar darakht

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

na gul khile hain na un se mile na mai pi hai
ajiib rang mein ab ke bahaar guzri hai

aae kuchh abr kuchh sharaab aae
is ke baa'd aae jo azaab aae

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di