miT jaaegaa sehr tumhaari aankhon kaa — Saqi Faruqi

vo miri ruuh ki uljhan kaa sabab jaantaa hai
jism ki pyaas bujhaane pe bhi raazi niklaa

duniyaa pe apne ilm ki parchhaaiyaan na Daal
ai raushni-farosh andheraa na kar abhi

khaak main us ki judaai mein pareshaan phirun
jab ki ye milnaa bichhaDnaa miri marzi niklaa

hairaani mein huun aakhir kis ki parchhaain huun
vo bhi dhyaan mein aayaa jis kaa saaya koi na thaa

pyaas baDhti jaa rahi hai bahtaa dariyaa dekh kar
bhaagti jaati hain lahrein ye tamaashaa dekh kar

haadsa ye hai ki ham jaan na moattar kar paae
vo to khush-bu thaa use yuun bhi bikhar jaanaa thaa

har subh apne ghar mein usi vaqt jaagnaa
aazaad log bhi to giraftaar se rahe

sahar-e-azal ko jo di gai vahi aaj tak hai musaafiri
ai tai karein to pata chale kahaan kaun kis ki talab mein hai

aankhon mein meri subh-e-qayaamat gai jhamak
siine se us pari ke jo parda ulaT gayaa

vo khat vo chehra vo zulf-e-siyaah to dekho
ki shaam subh ke baad aae subh shaam ke baad

jo dekhiye to zamaana hai tez-rau kitnaa
tulu-e-subh abhi hai to vaqt-e-shaam abhi

ye roz o shab ye subh o shaam ye basti ye viraana
sabhi bedaar hain insaan agar bedaar ho jaae