khultaa hai har ik shakhs ke qaamat ke baraabar — Shahnawaz Farooqi

kitaab-e-ishq mein saae kaa matlab
dar-o-divaar kaa saaya nahin hai

kabhi ye gham thaa ki samjhaa nahin koi ham ko
aur ab ye Dar ki kisi ne samajh liyaa hi na ho

judaai se ziyaada jaan-levaa
mohabbat mein mohabbat ki kami hai

husn aisaa thaa ki har ik aainaa kam paD gayaa
aaina kyaa umr bhar kaa dekhnaa kam paD gayaa

ye jahaan ek tamaashaa hai sabhi kahte hain
tum na hote to ise ham bhi tamaashaa kahte

dard thaa haijaan thaa par aankh mein aansu na the
jaise dil tak aate aate haadisa kam paD gayaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

ishq mein maarka-e-qalb-o-nazar kyaa kahiye
choT lagti hai kahin dard kahin hotaa hai

dil se aati hai baat lab pe 'hafiz'
baat dil mein kahaan se aati hai

dil mein ik shor saa uThaa thaa kabhi
phir ye hangaama umr bhar hi rahaa