dil saa anmol ratan kaun kharidegaa 'shakeb' — Shakeb Jalali

bad-qismati ko ye bhi gavaaraa na ho sakaa
ham jis pe mar miTe vo hamaaraa na ho sakaa

koi bhulaa huaa chehra nazar aae shaayad
aaina ghaur se tu ne kabhi dekhaa hi nahin

aaj bhi shaayad koi phulon kaa tohfa bhej de
titliyaan manDlaa rahi hain kaanch ke gul-daan par

socho to silvaTon se bhari hai tamaam ruuh
dekho to ik shikan bhi nahin hai libaas mein

ye ek abr kaa TukDaa kahaan kahaan barse
tamaam dasht hi pyaasaa dikhaai detaa hai

tu ne kahaa na thaa ki main kashti pe bojh huun
aankhon ko ab na Dhaanp mujhe Dubte bhi dekh

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

ik nazar ne kiyaa hai kaam tamaam
aarzu bhi to thi yahi dil ki

phir aaj ek ghazal keh ke main mo'attar huun
phir aaj zakhm kiye apne sandali main ne

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi