gae bhi jaan se aur koi mutmain na huaa — Shariq Kaifi

bahut hasin raat hai magar tum to so rahe ho
nikal ke kamre se ik nazar chaandni to dekho

vo basti naa-khudaaon ki thi lekin
mile kuchh Dubne vaale vahaan bhi

jaise ye mez miTTi kaa haathi ye phuul
ek kone mein ham bhi hain rakkhe hue

kis tarah aae hain is pahli mulaaqaat talak
aur mukammal hai judaa hone ki tayyaari bhi

kahin na thaa vo dariyaa jis kaa saahil thaa main
aankh khuli to ik sahraa ke muqaabil thaa main

manzilon par ham milein ye tai huaa
vaapsi mein saath pakkaa kar liyaa

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

chalne kaa hausla nahin ruknaa muhaal kar diyaa
ishq ke is safar ne to mujh ko niDhaal kar diyaa

vo bahut chaalaak hai lekin agar himmat karein
pahlaa pahlaa jhuuT hai us ko yaqin aa jaaegaa

ik fursat-e-gunaah mili vo bhi chaar din
dekhe hain ham ne hausle parvardigaar ke

hausla kis mein hai yusuf ki kharidaari kaa
ab to mahngaai ke charche hain zulekhaaon mein

nikal ke khuld se un ko mili khilaafat-e-arz
nikaale jaane ki tohmat hamaare sar aai