zindagi ham se tire naaz uThaae na gae — Shaz Tamkanat

koi to aa ke rulaa de ki hans rahaa huun main
bahut dinon se khushi ko taras rahaa huun main

miraa zamir bahut hai mujhe sazaa ke liye
tu dost hai to nasihat na kar khudaa ke liye

un se milte the to sab kahte the kyuun milte ho
ab yahi log na milne kaa sabab puchhte hain

kabhi ziyaada kabhi kam rahaa hai aankhon mein
lahu kaa silsila paiham rahaa hai aankhon mein

kitaab-e-husn hai tu mil khuli kitaab ki tarah
yahi kitaab to mar mar ke main ne azbar ki

us kaa honaa bhi bhari bazm mein hai vajh-e-sukun
kuchh na bole bhi to vo meraa taraf-daar lage

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

zindagi tu bhi hamein vaise hi ik roz guzaar
jis tarah ham tujhe barson se guzaare hue hain