sardi bhi khatm ho gai barsaat bhi gai — Shuja Khaavar

kuchh nahin bolaa to mar jaaegaa andar se 'shujaaa'
aur agar bolaa to phir baahar se maaraa jaaegaa

chaaragari ki baat kisi aur se karo
ab ho gae hain yaaro puraane mariz ham

us ke bayaan se hue har-dil-aziz ham
gham ko samajh rahe the chhupaane ki chiiz ham

tangi-e-haiat se Takraataa huaa josh-e-mavaad
shaaeri kaa lutf aa jaataa hai chhoTi bahr mein

yaa to jo naa-fahm hain vo bolte hain in dinon
yaa jinhein khaamosh rahne ki sazaa maalum hai

'shujaa' vo khairiyat puchhein to hairat mein na paD jaanaa
pareshaan karne vaale khair-khvaahon mein bhi hote hain

pyaaso raho na dasht mein baarish ke muntazir
maaro zamin pe paanv ki paani nikal paDe

chaand ne taan li hai chaadar-e-abr
ab vo kapDe badal rahi hogi

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

sabza o gul kahaan se aae hain
abr kyaa chiiz hai havaa kyaa hai

aae kuchh abr kuchh sharaab aae
is ke baa'd aae jo azaab aae