tere jaane mein aur aane mein — Sudarshan Faakir

ishq hai ishq ye mazaaq nahin
chand lamhon mein faisla na karo

zikr jab hogaa mohabbat mein tabaahi kaa kahin
yaad ham aaeinge duniyaa ko havaalon ki tarah

teri aankhon mein ham ne kyaa dekhaa
kabhi qaatil kabhi khudaa dekhaa

dekhne vaalo tabassum ko karam mat samjho
unhein to dekhne vaalon pe hansi aati hai

ham se puchho na dosti kaa silaa
dushmanon kaa bhi dil hilaa degaa

saamne hai jo use log buraa kahte hain
jis ko dekhaa hi nahin us ko khudaa kahte hain

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard kaa phir maza hai jab 'akhtar'
dard khud chaarasaaz ho jaae

pal-bhar mein banaa dete hain baaton kaa batangaD
rahte hain sadaa taak mein ahbaab hamaare

dard mein lazzat bahut ashkon mein raanaai bahut
ai gham-e-hasti hamein duniyaa pasand aai bahut