vaada-e-vasl na hotaa to ham aise bhi na the — Syed Yusuf Ali Khan Nazim

roza rakhtaa huun subuhi pi ke hangaam-e-sahar
shaam ko masjid mein hotaa huun jamaaat kaa sharik

vaaiz o shaikh sabhi khuub hain kyaa batlaaun
main ne maikhaane se kis kis ko nikalte dekhaa

iid hai ham ne bhi jaanaa ki na hoti gar iid
mai-farosh aaj dar-e-mai-kada kyuun vaa kartaa

shabistaan mein raho baaghon mein khelo mujh se kyuun puchho
ki raatein kis tarah kaTti hain din kaise guzarte hain

kahte hain chhup ke raat ko piitaa hai roz mai
vaaiz se raah kijiye paidaa kisi tarah

jab tiraa naam sunaa to nazar aayaa goyaa
kis se kahiye ki tujhe kaan se ham dekhte hain

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

kahun ai zauq kyaa haal-e-shab-e-hijr
ki thi ik ik ghaDi sau sau mahine

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

use khabar thi ki ham visaal aur hijr ik saath chaahte hain
to us ne aadhaa ujaaD rakkhaa hai aur aadhaa banaa diyaa hai

hijr mein ik maah ke aansu hamaare gir paDe
aasmaan TuuTaa shab-e-furqat sitaare gir paDe

bahut dinon mein mohabbat ko ye huaa maalum
jo tere hijr mein guzri vo raat raat hui