mauj-e-dariyaa se balaa ki chaahiye kashti mujhe — Taashshuq Lakhnavi

bahut muzir dil-e-aashiq ko aah hoti hai
isi havaa se ye kashti tabaah hoti hai

mujh se kyaa puchhte ho daagh hain dil mein kitne
tum ko ayyaam-e-judaai kaa shumaar aataa hai

dete phirte the hasinon ki gali mein aavaaz
kabhi aaina-farosh-e-dil-e-hairaan ham the

har taraf hashr mein jhankaar hai zanjiron ki
un ki zulfon ke giraftaar chale aate hain

najd se jaanib-e-lailaa jo havaa aati hai
dil-e-majnun ke dhaDakne ki sadaa aati hai

muntazir tere hain chashm-e-khun-fishaan khole hue
baiThe hain dil bechne vaale dukaan khole hue

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

hue mar ke ham jo rusvaa hue kyuun na gharq-e-dariyaa
na kabhi janaaza uThtaa na kahin mazaar hotaa

us vaqt se bachaa mujhe ai rabb-e-kaainaat
hubb-e-vatan ho dil mein vatan kaaTne lage

dariyaa ki tarah ravaan huun lekin
ab tak bhi vahin huun main jahaan huun

aag se rishta hai meraa aur dariyaa bhi hai apnaa
aae din donon ke jhagDe mein ulajh kar rah gayaa huun

chalaa ghar se vo bahr-e-husn allaah re kashish dil ki
ajab qatra hai jo khinche liye jaataa hai dariyaa ko