ye jo maazi ki baat karte hain — Tahir Azeem

taasir nahin rahti alfaaz ki bandish mein
main sach jo nahin kahtaa lahje kaa asar jaataa

tum hamaare khuun ki qimat na puchho
is mein apne zarf kaa arsa rakhaa hai

shahr ki is bhiiD mein chal to rahaa huun
zehn mein par gaanv kaa naqsha rakhaa hai

un baaton par mat jaanaa jo 'aam huiin
dekho kitni sachchaai hai aankhon mein

jo tire intizaar mein guzre
bas vahi intizaar ke din the

barson pahle jis dariyaa mein utraa thaa
ab tak us ki gahraai hai aankhon mein

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

gulaabon ke honTon pe lab rakh rahaa huun
use der tak sochnaa chaahtaa huun

ham sabhi aakaash mein laTke hue
sochte hain ki zamin pe paanv hai

sailaab-e-ishq gharq-kun-e-aql-o-hosh thaa
ik bahar thaa ki shaam-o-sahar garam-josh thaa