ai gham-e-ishq tujh se haar gae — Taj Bhopali

vazn har chiiz ki tauqir baDhaa detaa hai
zindagi bojh sahi phir bhi uThaae rakhiye

tumhein kuchh bhi nahin maalum logo
farishton ki tarah maasum logo

ye aansu ponchh lijiye aur muskuraaiye
chaara nahin hai koi bhi rukhsat kiye baghair

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin