tujhe gale se lagaa ke bhi dekhaa jaaegaa — Tarkash Pradeep

yuun apne aap ko barbaad kartaa hai koi
ai mere dil tu samajhdaar hai nahin hai kyaa

husn hotaa hai kisi shai kaa koi apnaa hi
aur phir dekhne vaale ki nazar hoti hai

banaataa huun main tasavvur mein us kaa chehra magar
har ek baar nai kaaenaat banti hai

aur bhaTkeinge to kuchh aur nayaa dekheinge
ham to aavaara parinde hain hamaaraa kyaa hai

ham to kahte hain mohabbat mein mazaa hai hi nahin
aap kahte hain to phir maan liyaa jaataa hai

ab to main aur bhi buraa huun ki
ab ziyaada sudhar gayaa huun main

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

raat dil ko thaa sahar kaa intizaar
ab ye gham hai kyuun saveraa ho gayaa

ye bhi ik raat kaT hi jaaegi
subh-e-fardaa ki muntazir hai nigaah

haalaat kah rahe hain ki ab vo na aaeinge
ummid kah rahi hai zaraa intizaar kar