gadaa nahin hain ki dast-e-savaal phailaaein — Tilok Chand Mahroom

buraa ho ulfat-e-khubaan kaa ham-nashin ham to
shabaab hi mein buraa apnaa haal kar baiThe

uThaane ke qaabil hain sab naaz tere
magar ham kahaan naaz uThaane ke qaabil

fikr-e-maaash o ishq-e-butaan yaad-e-raftagaan
in mushkilon se ahd-baraai na ho saki

ba-zaahir garm hai baazaar-e-ulfat
magar jins-e-vafaa kam ho gai hai

talaatum aarzu mein hai na tufaan justuju mein hai
javaani kaa guzar jaanaa hai dariyaa kaa utar jaanaa

baad-e-tark-e-aarzu baiThaa huun kaisaa mutmain
ho gai aasaan har ik mushkil ba-aasaani miri

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

kisi ke harf-e-tamannaa ki intihaa huun main
kisi ke harf-e-duaa ne miri hifaazat ki

milo milo na milo ikhtiyaar hai tum ko
is aarzu ke sivaa aur aarzu kyaa hai

khudaa se milne ki aarzu thi vo bandagi thi
khudaa ko mahsus kar rahaa huun ye shaa'iri hai

devtaa banne ki hasrat mein muallaq ho gae
ab zaraa niche utariye aadmi ban jaaiye