taari hai har taraf jo ye aalam sukut kaa — Umar Ansari

aksar huaa hai ye ki khud apni talaash mein
aage nikal gae hain had-e-maa-sivaa se bhi

baahar baahar sannaaTaa hai andar andar shor bahut
dil ki ghani basti mein yaaro aan base hain chor bahut

uThaa ye shor vahin se sadaaon kaa kyun-kar
vo aadmi to sunaa apne ghar mein tanhaa thaa

buraa sahi main pa niyat buri nahin meri
mire gunaah bhi kaar-e-savaab mein likhnaa

chhup kar na rah sakegaa vo ham se ki us ko ham
pahchaan leinge us ki kisi ik adaa se bhi

us ik diye se hue kis qadar diye raushan
vo ik diyaa jo kabhi baam-o-dar mein tanhaa thaa

raah-e-vafaa mein ji ke mare mar ke bhi jiye
khelaa usi tarah se kiye zindagi se ham

baandh kar ahd-e-vafaa koi gayaa hai mujh se
ai miri umr-e-ravaan aur zaraa aahista

tumhaare saath mire mukhtalif maraasim hain
miri vafaa pe kabhi inhisaar mat karnaa

vo baat mujh ko to dushnaam si lagi hai 'atiq'
tumhaaraa naam likhaa kis ne be-vafaaon mein

TuuTaa to aziiz aur huaa ahl-e-vafaa ko
dil bhi kahin us shokh kaa paimaan to nahin hai

inhein dar-e-khvaab-gaah se kis liye haTaayaa
muhaafizon ki vafaa-shiaari mein kyaa kami thi