dilon mein zakhm honTon par tabassum — Wahid Premi

uf gardish-e-hayaat tiri fitna-saaziyaan
apne vatan mein duur hain ahl-e-vatan se ham

baad taklif ke raahat hai yaqini 'vaahid'
raat kaa aanaa hi paighaam-e-sahar hotaa hai

gul ghunche aaftaab shafaq chaand kahkashaan
aisi koi bhi chiiz nahin jis mein tu na ho

kisi ko be-sabab shohrat nahin milti hai ai 'vaahid'
unhin ke naam hain duniyaa mein jin ke kaam achchhe hain

aazaad to barson se hain arbaab-e-gulistaan
aai na magar taaqat-e-parvaaz abhi tak

shakhsiyyat-e-fankaar muamma nahin 'vaahid'
fan hi mein huaa kartaa hai fankaar kaa partav

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

fursat mein ik nafas ke kyaa dard-e-dil sunoge
aae to tum va-lekin vaqt-e-akhir aae

kiyaa thaa rekhta parda-sukhan kaa
so Thahraa hai yahi ab fan hamaaraa

nau-giraftaar-e-mohabbat huun vafaa mujh mein kahaan
kam se kam dil abhi sau baar to aane diije

munh tak bhi zoaf se nahin aa sakti dil ki baat
darvaaza ghar se saikDon farsang ho gayaa