kiyaa thaa rekhta parda-sukhan kaa — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

dikhaai diye yuun ki be-khud kiyaa
hamein aap se bhi judaa kar chale

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

mire saliqe se meri nibhi mohabbat mein
tamaam umr main naakaamiyon se kaam liyaa

dil ki yak qatra khuun nahin hai besh
ek aalam ke sar balaa laayaa

ye aansu ponchh lijiye aur muskuraaiye
chaara nahin hai koi bhi rukhsat kiye baghair

gham hai na ab khushi hai na ummid hai na yaas
sab se najaat paae zamaane guzar gae

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

raaz-e-gham-e-ulfat ko ye duniyaa na samajh le
aansu mire daaman mein tumhaare bhi mile hain

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

udaas aankhon se aansu nahin nikalte hain
ye motiyon ki tarah sipiyon mein palte hain