aarzu-e-chashma-e-kausar naiin — Wali Dakni

yaad karnaa har ghaDi tujh yaar kaa
hai vazifa mujh dil-e-bimaar kaa

phir meri khabar lene vo sayyaad na aayaa
shaayad ki miraa haal use yaad na aayaa

kiyaa mujh ishq ne zaalim kuun aab aahista aahista
ki aatish gul kuun karti hai gulaab aahista aahista

dil-e-ushshaaq kyuun na ho raushan
jab khayaal-e-sanam charaagh huaa

gul hue gharq aab-e-shabnam mein
dekh us saahib-e-hayaa ki adaa

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

khul gayaa un ki aarzu mein ye raaz
ziist apni nahin paraai hai

aankhein khulin to jaag uThin hasratein tamaam
us ko bhi kho diyaa jise paayaa thaa khvaab mein

kamaal-e-ishq bhi khaali nahin tamannaa se
jo hai ik aah to us ko bhi hai asar ki talab

kuchh qafas ki tiliyon se chhan rahaa hai nuur saa
kuchh fazaa kuchh hasrat-e-parvaaz ki baatein karo

ye maanaa inqalaab-e-zindagi mein laakh khatre hain
tamannaa phir bhi hai ye zindagi zer-o-zabar hoti