be-charaaghaan bastiyon ko zindagi de — Zafar Ghauri

tiraa yaqin huun main kab se is gumaan mein thaa
main zindagi ke baDe sakht imtihaan mein thaa

dil mein rakh zakhm-e-navaa raah mein kaam aaegaa
dasht-e-be-samt mein ik hu kaa maqaam aaegaa

log samjhe apni sachchaai ki khaatir jaan di
varna ham to jurm kaa iqraar karne aae the

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bahut aziiz thi ye zindagi magar ham log
kabhi kabhi to kisi aarzu mein mar bhi gae

har baar hi main jaan se jaane mein rah gayaa
main rasm-e-zindagi jo nibhaane mein rah gayaa

zindagi kaa har ik gham uThaate hue
main sanbhalne lagaa laDkhaDaate hue