chamak rahaa hai khema-e-raushan duur sitaare saa — Zeb Ghauri

be-hisi par miri vo khush thaa ki patthar hi to hai
main bhi chup thaa ki chalo siine mein khanjar hi to hai

guhar lage the khunuk ungliyon ke zakhm mujhe
ab is athaah samundar ko phir khangaale kaun

uDaa ke khaak bahut main ne dekh li ai 'zeb'
vahaan talak to koi raasta nahin jaataa

miri jagah koi aaina rakh liyaa hotaa
na jaane tere tamaashe mein meraa kaam hai kyaa

ek jhonkaa havaa kaa aayaa 'zeb'
aur phir main ghubaar bhi na rahaa

ajab karishma dikhaayaa ba-yak qalam us ne
havaa chalaai samundar ko naqsh-e-aab diyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil mein miri vahshat ne par jitne nikaale the
main ne unhein bal de kar zanjir banaai hai

samajh mein aaegi tafsir-e-zindagi kyaa khaak
ki harf-e-shauq hai ijmaal be-dili tafsil

tujh ko hai ham se judaai aarzu
mere dil mein shauq hai didaar kaa

fariyaad ko majnun ki sune kaun jahaan hon
likkhun dil-e-naalaan jaras-e-mahmil-e-lailaa