unche niche ghar the basti mein bahut — Zubair Ali Tabish

bas main maayus hone vaalaa thaa
aur maulaa ne tujh ko bhej diyaa

bichhaD kar bhi huun zinda rahne vaalaa
tu hotaa kaun hai ye kahne vaalaa

is dar kaa ho yaa us dar kaa har patthar patthar hai lekin
kuchh ne meraa sar phoDaa hain kuchh par main ne sar phoDaa hai

us ke khat raat bhar yuun paDhtaa huun
jaise kal imtihaan ho meraa

apnaa kangan samajh rahe ho kyaa
aur kitnaa ghumaaoge mujh ko

aaj to dil ke dard par hans kar
dard kaa dil dukhaa diyaa main ne

pyaaso raho na dasht mein baarish ke muntazir
maaro zamin pe paanv ki paani nikal paDe

baarish ke baa'd raat saDak aaina si thi
ik paanv paaniyon pe paDaa chaand hil gayaa

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

rouun to khush ho ke piye hai vo mai
samjhe hai mausam ise barsaat kaa

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa