kyuun mataa-e-dil ke luT jaane kaa koi gham kare — Zubair Rizvi

jaate mausam ne jinhein chhoD diyaa hai tanhaa
mujh mein un TuTte patton ki jhalak hai kitni

haae ye apni saada-mizaaji atom ke is daur mein bhi
agle vaqton ki si sharaafat DhunD rahi hai shahron mein

ye lamha lamha takalluf ke TuTte rishte
na itne paas mire aa ki tu puraanaa lage

surkhiyaan akhbaar ki galiyon mein ghul karti rahin
log apne band kamron mein paDe sote rahe

apni zaat ke saare khufiya raste us par khol diye
jaane kis aalam mein us ne haal hamaaraa puchhaa thaa

kachchi divaaron ko paani ki lahar kaaT gai
pahli baarish hi ne barsaat ki Dhaayaa hai mujhe

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

baarish ke baa'd raat saDak aaina si thi
ik paanv paaniyon pe paDaa chaand hil gayaa

koi shikva na gham na koi yaad
baiThe baiThe bas aankh bhar aai

mire aibon ko ginvaayaa to sab ne
kisi ne meri gham-khvaari nahin ki