Balmohan Panday

"samay se pahle bhale shaam-e-zindagi aae kisi tarah bhi udaasi kaa ghaav bhar jaae ham ab udaas nahin sar-ba-sar udaasi hain hamein charaagh nahin raushni kahaa jaae jo sher samjhe mujhe daad-vaad detaa rahe gale lagaae jise gham samajh mein aa jaae gae dinon mein koi shauq thaa mohabbat kaa ab is azaab mein ye zehn kaun uljhaae kisi ke hansne se raushan hui thi baad-e-sabaa koi udaas huaa to gulaab murjhaae ye ek dukh hi dabaa rah gayaa hai aankhon mein vo ek misraa jise sher kar nahin paae agar huun ghusse mein phir bhi main chaahtaa ye huun main sirf hijr kahun aur phone kaT jaae"

"TuuTe dil se koi ummid lagaa kar rakhnaa itnaa aasaan nahin phuul pe patthar rakhnaa us ko aadat ye pareshaan bahut rakkhegi us ki aadat thi miraa haath pakaD kar rakhnaa is kaa kyaa shikva use rok nahin paae ham ek muflis ko kahaan aataa hai zevar rakhnaa haae vo ishq chhupaane ke zamaane 'mohan' yaad aataa hai ghalat naam se number rakhnaa"

"aish maazi ke ginaa haal kaa taana de de ghar palaTne ke liye koi bahaana de de main ne is shahr ko ik shakhs kaa hamnaam kiyaa chaahe ab jo bhi ise naam zamaana de de sang-zaadon ko bhi taamir mein shaamil kar lo is se pahle ki koi aaina-khaana de de us kaa rumaal bhi majburi thaa hamdardi nahin us ko ye Dar thaa koi aur na shaana de de dil ke ujDe hue jangal ko paDaa rahne do ain mumkin hai parindon ko Thikaana de de"

"zaayaa huaa tamaam hunar niind aa gai shab ko sajaa rahaa thaa magar niind aa gai main chaahtaa to ye huun kahaani tavil ho phir ye bhi sochtaa huun agar niind aa gai karvaT badal li donon ne ik khaamushi ke baad main ro paDaa aur us ko udhar niind aa gai daftar mein tai kiyaa thaa ki taare gineinge aaj lekin hamein pahunchte hi ghar niind aa gai kuchh doston ne aane se inkaar kar diyaa kuchh doston ko biich safar niind aa gai ik raat umr bhar ki thakan kaa sabab ai dost ham soch hi rahe the magar niind aa gai"

ghamon se bair thaa so ham ne khud-kushi kar li
shajar giraa ke parindon se intiqaam liyaa

"dayaar-e-gham se ham baahar nikal ke sher kahte hain masaail hain bahut se un mein Dhal ke sher kahte hain dahakte aag ke shoalon pe chal ke sher kahte hain hamein pahchaan liije ham ghazal ke sher kahte hain rivaayat ke pujaari is liye naaraaz hain ham se khataa ye hai nae raston pe chal ke sher kahte hain hamein tanhaaiyon kaa shor jab bechain kartaa hai ikaTThi karte hain yaadein ghazal ke sher kahte hain sitaaron ki tarah raushan hain jin ke lafz zehnon mein vo shaayad mom ki surat pighal ke sher kahte hain hamaari shaairi us ko kahin rusvaa na kar Daale so us ke shahr mein thoDaa sambhal ke sher kahte"

"samay se pahle bhale zindagi ki shaam aae kisi tarah to udaasi kaa ghaav bhar jaae ham ab udaas nahin sar-ba-sar udaasi hain hamein charaagh nahin raushni kahaa jaae jo sher samjhe mujhe daad-vaad detaa rahe gale lagaae jise gham samajh mein aa jaae kisi ke hansne se raushan hui thi baad-e-sabaa koi udaas huaa to gulaab murjhaae ye ek dukh jo dabaa rah gayaa hai aankhon mein vo ek misraa jise sher kar nahin paae"

"nikal paaun main kaise is asar se mahakte phuul jhaDte hain nazar se mohabbat ke safar ke baad khalvat safar aasaan hai pichhle safar se gae the un se tark-e-ishq karne nazar haT hi na paai is nazar se dupaTTe se vo munh Dhaanke hue hain mohabbat ho gai piile color se khud apne dil se Dar lagne lagaa hai koi aavaaz aati hai idhar se"

"sab ke honTon pe ye marne ki duaaein kaisi chaaraagar tu ne hamein diin hain davaaein kaisi ek hi pal mein badalte hain manaazir kyaa kyaa ham tiri aankhein banaaein to banaaein kaisi mai-kashi chhoD do jab bhuul chuke ho us ko ab shifaa mil hi gai hai to davaaein kaisi aise haalaat mein hansne ki tamannaa kis ko aise maahaul mein jiine ki duaaein kaisi andhe logon ko sunaa dete hain us kaa chehra aap ke log bhi dete hain sazaaein kaisi hanste-gaate bhi udaasi nahin chhoDi main ne chhoD deti hain jo bachchon ko vo maaein kaisi"

"udaas rahnaa bhi ek kalaa hai udaas rahiye kisi kisi ko ye fan milaa hai udaas rahiye kahaa thaa ham ne nahin sunegaa khushi ki mannat nahin sunegaa khudaa khudaa hai udaas rahiye hamaare hote bhi masalon ki talaash kyon hai hamaaraa honaa hi masala hai udaas rahiye likhaa hai us ne mujhe bhulaa kar khushi se rahnaa vo shakhs kahnaa ye chaahtaa hai udaas rahiye khilaae rakhiye har ek rut mein gul-e-udaasi firaaq kyaa hai visaal kyaa hai udaas rahiye"

"ravaangi mein samay kaa khayaal karte hain phir us ko bhej ke pahron malaal karte hain zaraa se talkh-bayaani pasand hain phir bhi udaas log mohabbat kamaal karte hain ab un ko ishq ke aadaab kaun samjhaae bujhe charaagh havaa se savaal karte hain gunah hai ishq pe paabandiyaan bajaa lekin tumhaare log to jiinaa muhaal karte hain is ek jumle ne karne nahin diyaa kuchh bhi jo log kuchh nahin karte kamaal karte hain"

"khul ke ro lene se dil halkaan ho jaaegaa kyaa muskuraa dungaa to sab aasaan ho jaaegaa kyaa main agar apni khushi se ek din bhi kaaT luun aap logon kaa bahut nuqsaan ho jaaegaa kyaa vo meri duniyaa kaa hissa thi meri duniyaa nahin ek shajar kaTne se ban viraan ho jaaegaa kyaa din-ba-din rishton ki zanjirein jakaDti jaaeingi rafta-rafta ghar meraa zindaan ho jaaegaa kyaa"