Sabir Abuhari

"taDap mein bhi maza aane lagaa hai gham ke maaron ko khayaal-e-sarkhushi bahkaa na de in sogvaaron ko gulistaan jo banaanaa chaahte the khaarzaaron ko unhin ki shokh-gaami raundti hai laala-zaaron ko saaadat chaahtaa thaa kal falak bhi jin ke sajdon ki bagule DhunDte phirte hain aaj un ke ghubaaron ko mai-o-kausar ki khaatir jab ye khud sajdon mein girtaa hai to kis munh se buraa kahtaa hai zaahid mai-gusaaron ko rumuz-e-ishq se koi use aagaah kar detaa jalaa kar hans rahi hai shama apne jaan-nisaaron ko ataa kar di mire husn-e-nazar ne shaan-e-yaktaai jahaan mein kaun varna puchhtaa thaa gul-'izaaron ko na dekhe jaa sake jo tuur par mushtaaq nazron se ba-chashm-e-shauq ham ne khuub dekhaa un nazaaron ko azal se jo fanaa kaa khauf le kar sahme baiThe hain talaatum-aashnaa kartaa hai 'saabir' un kinaaron ko"

"tire jalvon kaa vo aalam nahin hai shuur-e-did varna kam nahin hai nizaam-e-zindagi hai muntashir saa mizaaj-e-yaar to barham nahin hai kabhi lazzat-kash-e-raahat na honge muyassar jin ko teraa gham nahin hai diyaa hai gham zamaane bhar kaa mujh ko inaayat ye bhi teri kam nahin hai hamein ummid ho kyunkar karam ki sitam bhi jab tiraa paiham nahin hai navaazish ho gai jis par junun ki use duniyaa mein koi gham nahin hai muyassar hai tiri aankhon ki masti mujhe saudaa-e-jaam-e-jam nahin hai saliqa ho agar jiine kaa 'saabir' hayaat-e-chand-roza kam nahin hai"

taDapti phir rahi hai barq ab tak
ulajh baiThi thi mere aashiyaan se

"mai bhi hai saaghar bhi hai saaqi bhi paimaana bhi hai dekhnaa ye hai ki ham mein zauq-e-rindaana bhi hai raqs-e-parvaana bhi dekh ai chashm-e-ibrat ye bhi dekh shama ki aaghosh mein kuchh khaak-e-parvaana bhi hai ham ne maanaa hai sukun daamaan-e-saahil mein magar fitrat-e-ahl-e-junun tufaan se Takraanaa bhi hai ai talabgaar-e-masarrat ye bhi sochaa hai kabhi ik masarrat apne dil ko gham se bahlaanaa bhi hai jis ne jo chaahaa use samjhaa kiyaa ai ham-nashin zindagaani ik haqiqat bhi hai afsaana bhi hai ahl-e-dil ke vaaste hai bahr-e-aish-o-imbisaat go ba-zaahir bazm-e-hasti ek gham-khaana bhi hai do ghaDi ai gardish-e-ayyaam bas ruk jaa yahin saaqi-e-raaanaa bhi hai gardish mein paimaana bhi hai jalva-aaraa zarre zarre mein hai nur-e-barq-e-tur lekin ai 'saabir' kahin zauq-e-kalimaana bhi hai"

"haqiqat ban gai khud hi hijaab aahista aahista nazar ko le maraa zauq-e-saraab aahista aahista taDap paidaa to kar dil mein rukh-e-zebaa ke saudaai sarak jaaegaa khud un kaa naqaab aahista aahista saliqa aa gayaa hai shaikh ko bhi hosh-mandi kaa lagaa hai maangne jaam-e-sharaab aahista aahista jahaan-e-aab-o-gil bhi dekhne ki chiiz thi lekin bashar ne kar diyaa us ko kharaab aahista aahista koi din ke hain jalve mastiyaan bhar do fazaaon mein guzar jaaegaa ye ahd-e-shabaab aahista aahista bashar ab rokne ko hai mah-o-anjum ki gardish ko ye dekhegaa khudaai ke bhi khvaab aahista aahista ye rudaad-e-mohabbat hai ise kahnaa tahammul se sunaa jaaegaa ai 'saabir' ye baab aahista aahista"

"husn kyaa kyaa muskuraayaa ishq ke andaaz par naghma-e-gham jab bhi chheDaa ham ne dil ke saaz par khaar-zaar-e-zindagi ko bhi banaa detaa hai khuld kyon na ham imaan laaein ishq ke eajaaz par teri apni zaat mein muzmar hai husn-e-lam-yazal kis liye sajde pe sajda jalva-gaah-e-naaz par jalva-farmaa kaun mehr-o-maah ke parde mein hai raqs kartaa hai nizaam-e-dahr kis ke saaz par baal-o-par se kab koi pahunchaa faraaz-e-arsh tak ye saaadat munhasir hai himmat-e-parvaaz par hain vahi maqbul-e-aalam jo garebaan-chaak hain har kali gul ban gai is inkishaaf-e-raaz par aa gai sehn-e-chaman mein fasl-e-gul to kyaa huaa hain vahi gham ke taraane zindagi ke saaz par raaz-e-ulfat ghair se kahnaa hai nang-e-aashiqi naaz thaa mansur ko kyon inkishaaf-e-raaz par ishq ki qismat mein hote hain salib-o-daar bhi shaad ai 'saabir' na ho tu lazzat-e-aaghaaz par"

"kyaa kashish allaah re duniyaa-e-aab-o-gil mein hai taa-abad jiine ki khvaahish har bashar ke dil mein hai biit jaae kyaa khudaa jaane jahaan-e-shauq par vo to kahiye lailaa-e-husn-e-azal mahmil mein hai kuchh hamin pahchaante hain ru-e-taabaan ko tire zikr tere husn kaa kahne ko har mahfil mein hai kaash ye khul jaae tujh par ai asir-e-aab-o-gil ik surur-e-be-karaan taskhir-e-aab-o-gil mein hai koi mahram hi nahin jab raaz-haa-e-ishq kaa ham kisi ko kyaa bataaein kyaa hamaare dil mein hai ishq ne tai kar liye haft-aasmaan muddat hui aql-e-naadaan gum abhi tak jaada-e-manzil mein hai rahzan-e-hosh-o-khirad hai ye jahaan-e-rang-o-bu khud se begaana hai 'saabir' jo bhi is mahfil mein hai"

"jo junun-aashnaa nahin hotaa aadmi kaam kaa nahin hotaa baat kartaa hai naakhudaa aise jaise koi khudaa nahin hotaa un se aksar mili khabar teri jin ko apnaa pata nahin hotaa jism-e-faani to ik labaada hai marne vaalaa fanaa nahin hotaa daar tak to junun hi jaataa hai aql mein hausla nahin hotaa laakh majbur hai bashar phir bhi ye jo chaahe to kyaa nahin hotaa dil se jab tak adaa na ho 'saabir' koi sajda ravaa nahin hotaa"

"jo bashar tufaan se Takraataa nahin apni azmat ko samajh paataa nahin justuju mein khud jo kho jaataa nahin gauhar-e-maqsud ko paataa nahin kis ko dekhein is bhari duniyaa mein ham koi bhi tum saa nazar aataa nahin sochiye to dil hi mein maujud hai dekhiye to vo nazar aataa nahin kyaa qayaamat hai farogh-e-fasl-e-gul aashiyaan apnaa nazar aataa nahin bad-gumaan kyon mujh se naaseh ho gayaa main kahin aataa nahin jaataa nahin jo gham-e-ulfat kaa khugar ho gayaa vo gham-e-dauraan se ghabraataa nahin luT chukaa huun baarhaa 'saabir' magar ishq se dil ab bhi baaz aataa nahin"

"vahi saaghar vahi sahbaa vahi mai-khvaar hain saaqi nizaam-e-nau ke kyaa sach-much yahi aasaar hain saaqi khulus-e-dil hai yaa kuchh be-asar ashaar hain saaqi karein kyaa nazr teri muflis-o-naadaar hain saaqi nigaah-e-naaz ki masti se jo sarshaar hain saaqi vo divaane haqiqat mein bahut hushiyaar hain saaqi pilaa vo jaam jis se mushkilein aasaan ho jaaein maraahil raah-e-ulfat ke bahut dushvaar hain saaqi likhaa divaar kaa paDh le khamoshi ki sadaa sun le badalte daur ke mubham se ye aasaar hain saaqi jo kahti thiin ki ik din diid se sarshaar kar deingi vahi aankhein bil-aakhir maane-e-didaar hain saaqi bahut karte hain karne ko to daave jaan-nisaari kaa jo tujh par jaan dete hain faqat do-chaar hain saaqi ajab mahfil hai ye mahfil ajab aalam hai ye aalam na ham majbur hain saaqi na ham mukhtaar hain saaqi teri bakhshish kaa ye andaaz kyaa hai kuchh nahin khultaa jo hain ahl-e-hunar vo log hi naadaar hain saaqi lagi dil ki bujhaane ko lipaT jaate hain shaalon se ye parvaane kahaan ke paikar-e-isaar hain saaqi jo hote hain asir-e-jaam vo mai-kash nahin hote rahein jo be-piye sarshaar vo mai-khvaar hain saaqi"

"tajalli tuur ki har su ayaan hai magar zauq-e-kalimaana kahaan hai yahi hai rahbari ai rahnumaao na manzil hai na manzil kaa nishaan hai lahu rotaa hai jo auron ki khaatir haqiqat mein vahi dil shaadmaan hai ajab shai hai rabaab-e-zindagi bhi kabhi naghma kabhi aah-o-fughaan hai agar vaqf-e-mohabbat ho to neamat nahin to zindagi baar-e-garaan hai karishma hai ye teri be-rukhi kaa zamin dushman falak naa-mehrbaan hai khirad ki raah mein barg-e-gul-e-tar junun ki raah mein sang-e-giraan hai sun ai bedaad-gar begaana-khu sun ye khaamoshi bhi ik tarz-e-fughaan hai munavvar hai bashar kaa zehn lekin harim-e-dil abhi zulmat-nishaan hai gulistaan ki fazaa ab bhi na badli vahi gulchin vahi barq-e-tapaan hai rihaai qaid se bad-tar hai yaani dil-e-taair asir-e-aashiyaan hai miTaane se kahaan miTti hai 'saabir' ye urdu 'mir'-o-'ghaalib' ki zabaan hai"

"nazar aane lage ho mehrbaan se ye andaaz aa gae tum mein kahaan se kise raas aaegi teri khudaai agar ham uTh gae bazm-e-jahaan se bharam khul jaaegaa tere karam kaa agar kuchh kah diyaa ham ne zabaan se kahaan se aa gayaa ye abr-e-rahmat hamein kuchh kaam thaa barq-e-tapaan se jise dekho vahi matlab kaa banda mohabbat uTh gai ru-e-jahaan se kareinge zikr tere husn kaa bhi agar fursat mili kaar-e-jahaan se taDapti phir rahi hai barq ab tak ulajh baiThi thi mere aashiyaan se yunhi roti nahin 'saabir' ko duniyaa use bhi ishq thaa ahl-e-jahaan se"