aql kuchh ziist ki kafil nahin — Ziauddin Ahmad Shakeb

divaana-e-justuju ho gayaa chaand
baadal se gir ke kho gayaa chaand

isi tarah baatein kiye jaaiye
ye tarz-e-takallum bahut khuub hai

meri tajviz par khafaa kyuun ho
baat kuchh aql ke khilaaf nahin

hamein bhi zarurat thi ik shakhs ki
ye husn-e-tasaadum bahut khuub hai

paDti nahin hai dil pe tire husn ki kiran
kis samt mere chaand darakhshaan hai aaj-kal

mukhtasar baat-chit achchhi hai
lekin itnaa bhi ikhtisaar na kar

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

agar hayaat hai dekheinge ek din didaar
ki maah-e-eid bhi aakhir hai in mahinon mein

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin