aaeinge nazar subh ke aasaar mein ham log — Aziz Nabeel

"shaam ki raakh badan par mal kar qashqa khinch sitaaron se raat singhaasan apnaa hi hai kah de hijr ke maaron se kuchh be-hangam aavaazein thiin kuchh saae se phirte the aankhein muund ke guzre the ham duniyaa ke baazaaron se aur achaanak ji uThte hain band kivaaDon vaale log chhan-chhan kar aavaaz si koi aati hai divaaron se ruuh ke viraan tah-khaane tak roz koi aa jaataa hai tanhaai ke mausam vaali khaali raah-guzaaron se kashti kab ki Duub chuki hai lekin ab tak us kaa pata dariyaa dariyaa puchh rahaa hai jaane kaun kinaaron se diye ki aakhiri saans bujhi aur aankh uThi aakaash ki samt kitne hi sar jhaank rahe the raat ki nam divaaron se"

"na ruuh se dhuaan uThaa na aankh hi lahu hui ye kis talab ki chaandni mein raat surkh-ru hui hamein to apni justuju bhi khud se duur le gai tumhaari justuju to phir tumhaari justuju hui main apni zaat kaa safar tamaam karke ruk gayaa phir is ke baad raaston se meri guftugu hui zamin Thahar Thahar gai falak simaT simaT gayaa koi sadaa-e-nim-jaan aise ku-baku hui har ek aankh ret thi har ek dil saraab thaa magar vo ek tishnagi jo mujh mein aabju hui"

"ruuh ke malbe se lipTe nam kaa andaaza na kar mujh se mil to mere pahle gham kaa andaaza na kar varna meri ret khud mein jazb kar legi tujhe sarsari sahraa ke pech-o-kham kaa andaaza na kar dhuup ki TuuTi hui takhti pe baarish ne likhaa ghar ke andar baiTh kar mausam kaa andaaza na kar ai havaa-e-taaza agli manzilon ki samt dekh mujh mein phaile habs ke aalam kaa andaaza na kar bad-samaaat shakhs ye sab teri vusat mein kahaan saaz-e-jaan ki larzish-e-paiham kaa andaaza na kar sair kar sarv-o-saman ke darmiyaan ai gul-nazhaad aahu-e-vahshat-zada ke ram kaa andaaza na kar yuun na ho aankhein tiri patthar ki ho jaaein 'nabil' is sadi ke qissa-e-aadam kaa andaaza na kar"

"subh jab raat ke zindaan se baahar aai raushni soch ke aivaan se baahar aai shaam-e-gham main ne jo puchhaa miraa gham-khvaar hai kaun ik ghazal 'mir' ke divaan se baahar aai main ne thak-haar ke jab zaad-e-safar kholaa hai ek ummid bhi saamaan se baahar aai kis ke chehre ki chamak jaan mein samone ke liye zindagi dida-e-be-jaan se baahar aai main ne kuchh rang uchhaale the havaaon mein 'nabil' aur tasvir tiri dhyaan se baahar aai"

"ik raat hai ab tak aankhon mein miri niind kaa gham karne ke liye kai khvaab sirhaane baiThe hain rudaad raqam karne ke liye kabhi rang banaa kabhi nuur huaa gahe khaamoshi gahe shor huaa har ruup mein Dhaalaa hai khud ko tiraa ruup baham karne ke liye kai aankhein mujh mein jaag uThin kai mausam mujh mein aa nikle mire khvaab nae karne ke liye miri vahshat kam karne ke liye main barson se koi khushk zamin miraa tan-man goyaa banjar saa phir yuun hai ki ik barsaat hui miri miTTi nam karne ke liye nae sher kaho mire sher-guru koi ishq-charaagh karo raushan har manzar-e-harf-o-saut pe chhaai dhund ko kam karne ke liye inkaar ke sahraa mein tanhaa main naa-mumkin ik shakhs 'nabil' vaise to kai tufaan uThe miri gardan kham karne ke liye"

"silsile nuur ke main khaak-nashin jaantaa huun kitne suraj hain yahaan zer-e-zamin jaantaa huun jaan letaa huun har ik chehre ke poshida nuqush tum samajhte ho ki main kuchh bhi nahin jaantaa huun be-sadaa lamhon mein mauhum khayaalon se pare dil ki aavaaz ko main ain yaqin jaantaa huun kin ilaaqon se guzarnaa hai uThaae hue sar aur kahaan mujh ko jhukaani hai jabin jaantaa huun us ke hi husn ki tamhid hain saare mausam main use aaj bhi utnaa hi hasin jaantaa huun laakh jaa baiThe koi unchi fasilon pe 'nabil' jis ki auqaat jahaan ki ho vahin jaantaa huun"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"