abhi sach kaa diyaa jaltaa kahaan hai — Mohsin Ehsan

"maut se yaari na thi hasti se be-zaari na thi us safar par chal diye ham jis ki tayyaari na thi ham usi ki khaak se uTThe hain kundan ban ke aaj dosto jis shahr mein rasm-e-vafaadaari na thi ham ne khun-e-aarzu de kar munaqqash kar diyaa varna divaar-e-talab par aisi gul-kaari na thi mar gae sar phoD ke divaar-e-zindaan se asiir zindagi kunj-e-qafas mein maut se pyaari na thi ab shikast-e-aarzu hai baais-e-taskin-e-dil is se pahle to kabhi ye kaifiyat taari na thi jal rahaa hai har nafas ab apne gham ki aanch se saans lene mein kabhi 'mohsin' ye dushvaari na thi"

"tamaashaa is baras aisaa huaa hai samundar suukh kar sahraa huaa hai hamein bhejaa to hai duniyaa mein lekin hamaare saath kuchh dhokaa huaa hai mujhe lagtaa hai jaadugar ne mujh ko kisi zanjir se baandhaa huaa hai jahaan par shaadyaane baj rahe hain miraa lashkar vahin paspaa huaa hai jo mere aur us ke darmiyaan thi usi divaar par jhagDaa huaa hai asiraan-e-qafas ye puchhte hain muqimaan-e-chaman ko kyaa huaa hai kai din se bas ik harf-e-mohabbat sar-e-nok-e-zabaan aTkaa huaa hai guzargaahon mein sannaaTaa hai 'mohsin' ghubaar-e-ham-rahaan baiThaa huaa hai"

"thirakti lau ki bas ik aakhiri duaa suntaa phir us ke baad na kuchh mauja-e-havaa suntaa mujhe bhi lagti kuchh aasaan manzil-e-dushvaar jo dusron ki sadaa-e-naqush-e-paa suntaa kuchh is qadar bhi zamaane mein qaht-e-harf na thaa vo aashnaa thaa to aavaaz-e-aashnaa suntaa ba-juz zakhira-e-auhaam paas kuchh bhi nahin ye baat kaash vo girvida-e-anaa suntaa use pukaar chukaa zindagi mein haar chukaa miraa khudaa thaa to phir meri iltijaa suntaa ham ek umr se 'mohsin' khumaar-e-khvaab mein hain hamaari baat zamaane mein koi kyaa suntaa"

"durusht kyuun thaa vo itnaa kalaam se pahle ki meraa naam na thaa us ke naam se pahle vo sab charaagh ki thi jin mein raushni ki ramaq bujhaa diye gae basti mein shaam se pahle vo mehrbaan bhi hue dushmani pe aamaada ham aashnaa bhi na the jin ke naam se pahle khud-e'timaad kabhi the par ab ye aalam hai hazaar vasvase dil mein hain kaam se pahle hamaare dars-e-mohabbat kaa puchhte kyaa ho kitaabi chehra paDhaa hai kalaam se pahle subuk-ravaan-e-rah-e-gham ne zindagi 'mohsin' musaafiraana guzaari qayaam se pahle"

"bahte hue lamhon ki kahaani hi badal de dariyaa to badaltaa nahin paani hi badal de yaa ghar ko mire daulat-e-aaraam-o-sukun bakhsh yaa aarzu-e-naql-makaani hi badal de kyaa us se karein zahmat-e-takraar ki jo shakhs alfaaz ke mahfum-o-maaani hi badal de tarmim-o-tanvvo hai kahaani mein zaruri raajaa to badaltaa nahin raani hi badal de us ghar ki taraf us ki nishaani pe chale ho 'mohsin' vo agar ghar ki nishaani hi badal de"

"saae ki ummid thi taarikiyaan phailaa gayaa jo shajar phuTaa zamin se biij hi ko khaa gayaa kyaa gila tujh se ki gulshan kaa muqaddar hai yahi abr ghir kar jab bhi aayaa aag hi barsaa gayaa ab kinaaron se na maange qatre qatre kaa hisaab kyuun samundar ki taraf bahtaa huaa dariyaa gayaa meri sairaabi bhi meri tishnagi se kam na thi main misaal-e-abr aayaa surat-e-sahraa gayaa husn ke hamraah chaltaa thaa julusi-e-tishnagaan ishq tanhaa dahr mein aayaa thaa aur tanhaa gayaa 'mohsin'-ehsaan kisi baadal kaa TukDaa hai ki jo ek lamhe ke liye aayaa ghiraa barsaa gayaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"