ashk-e-gul-rang nisaar-e-gham-e-jaanaana karein — Asar Lakhnavi

"na sharh-e-shauq na taskin jaan-e-zaar mein hai mazaa jo apni mohabbat ke e'tibaar mein hai abhi se hosh na kho baiTh ai nasim-e-chaman abhi to ek shikan zulf-e-taabdaar mein hai khud apne ishq ki ranginiyon mein gum ho jaa nahin kuchh aur agar ye to ikhtiyaar mein hai ye mahviyat koi dekhe ki misl-e-aaina junun-e-khud-nigari apne intizaar mein hai na hai nasib mili aur ba-qadr-e-zarf mili supurdagi ki jo ik shaan ikhtiyaar mein hai harif-e-bazm-e-tamaashaa tiri nigaah nahin vagarna husn to khud tere intizaar mein hai 'asar' mujhe hai vahaan rukhsat-e-navaa-sanji ki naghma ik lab-e-khaamosh jab dayaar mein hai"

"naved-e-vasl-e-yaar aae na aae baraabar hai bahaar aae na aae tujhe karnaa hai jo kuchh aaj kar le ki phir ye rozgaar aae na aae kiye jaa dard-e-dil ai naa-muraadi kisi ko e'tibaar aae na aae koi pursaan na ho jab haal-e-bad kaa tamannaa sogvaar aae na aae jo vo bil-farz ho pursish pa maail dil-e-bismil qaraar aae na aae sitam se jab talaafi ho sitam ki tumhin kah do ki pyaar aae na aae 'asar' hai aur lazzat be-khudi ki vo jaan-e-intizaar aae na aae"

"idhar dekh lenaa udhar dekh lenaa phir un ki taraf ik nazar dekh lenaa vo meraa na kahne mein kah jaanaa sab kuchh vo un kaa achaanak idhar dekh lenaa abas meri jaanib se tu bad-gumaan hai nahin muddaaa kuchh magar dekh lenaa mire gham-kade mein vo aaeinge ik din jhalak uTTheinge baam-o-dar dekh lenaa 'asar' arz-e-haal un se be-soche-samjhe kahaa thaa ki pahle nazar dekh lenaa"

"aah se jab dil mein Duube tiir ubhaare jaaeinge dekh lenaa duur tak uD kar sharaare jaaeinge mauj-e-tufaan ko jinhon ne chirnaa sikhaa nahin is kinaare se bhalaa kyaa us kinaare jaaeinge utni hi rangin hoti jaaegi apni nazar jis qadar tere tasavvur ko sanvaare jaaeinge kuchh na kuchh ho hi rahegaa dard-mandi kaa maaal jaan ke dushman tujhi ko ham pukaare jaaeinge khaak ho kar bhi na aaegaa unhein dam bhar qaraar uTh ke tere dar se jo aafat ke maare jaaeinge ek harf-e-dil-nashin! ye bhi nahin to ik nigaah duur jaane vaale kyun-kar be-sahaare jaaeinge baiThe saahil par ginaa karte hain jo lahrein 'asar' vaqt paDne par bhalaa kyaa dhaare dhaare jaaeinge"

"hijaab-e-rang-o-bu hai aur main huun ye dhokaa thaa ki tu hai aur main huun maqaam-e-be-niyaazi aa gayaa hai vo jaan-e-aarzu hai aur main huun fareb-e-shauq se aksar ye samjhaa ki vo begaana-khu hai aur main huun kabhi saudaa thaa teri justuju kaa ab apni justuju hai aur main huun kabhi dekhaa thaa ik khvaab-e-mohabbat ab us ki aarzu hai aur main huun faqat ik tum nahin to kuchh nahin hai chaman hai aabju hai aur main huun phir us ke baad hai is hu kaa aalam bas ik had tak hi tu hai aur main huun"

"bhule afsaane vafaa ke yaad dilvaate hue tum to aae aur dil ki aag bhaDkaate hue mauj-e-mai bal khaa gai gul ko jamaai aa gai zulf ko dekhaa jo us aariz pe lahraate hue be-muravvat yaad kar le ab to muddat ho gai teri baaton se dil-e-muztar ko bahlaate hue niind se uTh kar kisi ne is tarah aankhein malin subh ke taare ko dekhaa aankh jhapkaate hue ham to uTThe jaate hain lekin bataa de is qadar kis ke dar ki khaak chhaane tere kahlaate hue jhaaD kar daaman 'asar' jis bazm se uTh aae the aaj phir dekhe gae hazrat udhar jaate hue"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"