bachaa ab kyaa hamaaraa hai — Abu Hurrairah Abbasi

"ravayya dekh kar un kaa to ham naashaad ho baiThe bhalaa lahje se vo kyon nashtar-e-fassaad ho baiThe zamaane bhar mein apne naam kaa Dankaa bhi bajtaa thaa par ujDe yuun ki ham to surat-e-baghdaad ho baiThe kahaa farhaad ne apni muridi mein mujhe le lein sunaa kar qissa-e-gham murshid-e-farhaad ho baiThe 'imaarat apne khvaabon ki banaane kaa kiyaa aaghaaz to khud ham iinT ban baiThe khudi buniyaad ho baiThe gae vaqton mein aisaa thaa yahaan kuchh kam shikaari the nae vaqton mein dekho to sabhi sayyaad ho baiThe yahaan par kaun zinda ab rakhe apni rivaayat ko yahaan par log jo maadar-pidar-aazaad ho baiThe jinhein thaa 'ishq se matlab vo suuli chaDh gae aakhir jinhein daulat se matlab thaa vo sab shaddaad ho baiThe asar be-mausami tufaan kaa gulshan pe gahraa hai kabhi jo phuul hote the vo ab faulaad ho baiThe kabhi ghalti se jo misra' milaa lete hain aksar vo samajhte hain ki ab ham 'mir' ke ustaad ho baiThe kasein 'iqbaal' par boli karein baatein 'ghazaali' par bilaa-tahqiq hi ye sab yahaan naqqaad ho baiThe"

"jaane se tere mujh pe ye kaisaa asar paDaa sadiyon kaa jaise ho koi viraan ghar paDaa qissa kai sadi kaa phir aankhon mein aa gayaa gaanv ke raaste pe jo buDhaa shajar paDaa sunte hain chaand taare hain puure 'uruj par hujre mein aasmaan magar be-khabar paDaa ik saanahe ne mujh se liyaa chhin mujh ko yuun khud ko bhi DhunDhnaa mujhe phir dar-ba-dar paDaa itni tavil thi shab-e-yaldaa ki jis ke baa'd aakhir pe daura dil kaa hi vaqt-e-sahar paDaa kyaa kyaa sunaaein dil kaa hai ye qissa mukhtasar dahliz-e-yaar par rahaa hai 'umr bhar paDaa"

"zahe nasib ki imkaan-e-zist ab tak hai tumhaaraa hijr hi unvaan-e-zist ab tak hai kise paDi hai jo aa kar sune kahaani miri mire vujud pe bohtaan-e-zist ab tak hai bahut hi didani manzar thaa meri vahshat kaa tabhi se chaak garebaan-e-zist ab tak hai mohabbaton mein azal se sabhi ne gham hi sahaa mohabbaton mein to nuqsaan-e-zist ab tak hai nikaalaa jis ko baghaavat pe thaa qabile ne nahin maraa vo to mehmaan-e-zist ab tak hai kahaan mileinge sanvaareinge ek duuje ko tiri talab mujhe dauraan-e-zist ab tak hai abhi qalam bhi hai baaqi mire ye misre bhi miri to kuTiyaa mein saamaan-e-zist ab tak hai kabhi bhi yaad musibat mein ghair ko na kiyaa miraa khudaa hi nigahbaan-e-zist ab tak hai"

"afsurdagi mein rahnaa miraa kaam bhi to hai tarke mein chunki gardish-e-ayyaam bhi to hai baiThein zaraa janaab kahaan aap chal diye mahfil mein khaas raat kaa ik jaam bhi to hai puuraa hai ehtimaam mire dil ke vaaste mahfil mein zikr-e-yaar hai aur shaam bhi to hai zaalim jo likh rahaa hai yahaan daastaan-e-zulm is daastaan-e-zulm kaa anjaam bhi to hai qaazi yahaan pe kyon na rakhe zaalimon ki laaj qaazi ke vaaste phir ik in'aam bhi to hai duniyaa mein har buraai kaa khatma bhi saath hai raavan ke saath saath yahaan raam bhi to hai kuchh 'mir' ji si ho to koi baat bhi bane varna ye shaa'iri yahaan par 'aam bhi to hai jo kuchh bhi likh rahaa huun main nok-e-qalam se aaj ye sab khudaa ki den hai ilhaam bhi to hai"

"ye tishna-labi hi to hai uslub hamaaraa taalib hain tire ham tu hai matlub hamaaraa qaasid kaa ravayya bhi baDaa ghaur-talab thaa nai le ke gayaa aakhiri maktub hamaaraa kal shaam sar-e-baam dikhaa chaand jo raushan yaadon se tiri dil huaa maa'tub hamaaraa sarkaar jo kah dein hamein manzur vahi hai har qaul muqaddas tiraa maa'yub hamaaraa sab dair-o-haram dekh liye chhaan liye hain miTtaa hi nahin hai miyaan aashob hamaaraa ab takht-nashinon ko paDhaaeinge sabaq ham ab chhin ke leinge haq-e-maslub hamaaraa"

"itne sahe hain gham ki main kaise karun hisaab ye she'r kah rahaa huun ki kuchh rakh sakun hisaab har har ghaDi jo yaad mein guzri hai aap ki in ungliyon ke poron pe sab kaa rakhun hisaab lo aap mil gae hain hamein yuun raqib-sang bas baiThiye main aap kaa kartaa chalun hisaab ham ne to kar ke dekh li koshish yahaan bahut lekin rahaa yahaan pe vahi juun kaa tuun hisaab apne liye be-mausam-o-be-vaqt sab hai 'aam apne nasib kaa hai baDaa vaazhgun hisaab aae hisaab ham se jo karne malaaika ham ne kahaa ki ahl-e-jahannum se kyon hisaab duniyaa hamaari yuun to jahannum se kam na thi munkir-nakir aap kaa is par bhi yuun hisaab"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"