bu-e-khun khanjar mein rahne dijiye — Shadan Badayuni

"teraa har rang sitam ai shoala-ru achchhaa lagaa jitne tu ne gham diye utnaa hi tu achchhaa lagaa sirf itnaa hi nahin vo maah-ru achchhaa lagaa us kaa lahja us kaa tarz-e-guftugu achchhaa lagaa meri jaanib us ne dekhaa is nigaah-e-khaas se mujh ko apne ru-ba-ru khaali subu achchhaa lagaa barhami ki aag mein dil ko jalaa dene ke baad muskuraai jab vo chashm-e-jang-ju achchhaa lagaa kar gai us ki nigaah-e-avvalin qissa tamaam phir zamaane mein na koi khub-ru achchhaa lagaa us ki mahfil mein huaa jab kuchh hasin chehron kaa zikr aaina us vaqt us ke ru-ba-ru achchhaa lagaa vasvase jaage the us ko dekh kar khanjar-ba-kaf jab vahi khanjar huaa zeb-e-gulu achchhaa lagaa koi lamha zindagi kaa dard se khaali na thaa kaise kah detaa jahaan-e-rang-o-bu achchhaa lagaa kitni aasaani se ai 'shaadaan' qayaamat Tal gai us ko meraa ahd-e-tark-e-aarzu achchhaa lagaa"

"main aur huun miraa dil-e-divaana aur hai afsaana aur haasil-e-afsaana aur hai divaangi pe ab miri hanstaa nahin koi sab jaante hain fitrat-e-divaana aur hai us shama-ru ki bazm ke aadaab dekhiye ik jal chukaa to dusraa parvaana aur hai dil bhar gayaa hai ab miraa dasht-e-hayaat se shaayad nigaah mein koi viraana aur hai mujh ko huaa hai tajraba-e-zindagi kuchh aur duniyaa jo kah rahi hai vo afsaana aur hai jab ham pe band ho gae dair-o-haram ke dar tab raaz ye khulaa dar-e-jaanaana aur hai 'shaadaan' kiyaa to hai use paane kaa hausla ab ehtiyaaj-e-jurat-e-rindaana aur hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"