camere jail mein lage hue hain — Azhar Faragh

"Dare hue hain sabhi log abr chhaane se vo aai baam pe kyaa dhuup ke bahaane se vo qissa-go to bahut jald-baaz aadmi thaa bahut si lakDiyaan ham rah gae jalaane se nazar to Daal ravaani ki istaqaamat par ye aabshaar hai kohsaar ke gharaane se mosaafiraan-e-mohabbat mujhe muaaf karein main baaz aayaa unhein raasta dikhaane se agar main aakhiri baazi na kheltaa 'azhar' to khaali haath na aataa qimaar-khaane se"

"baagh se jhule utar gae sundar chehre utar gae laTak gae divaar se ham siDhi vaale utar gae ghar mein kis kaa paanv paDaa chhat ke jaale utar gae bheinT chaDhe tum ujlat ki peD se kachche utar gae vasl ke ek hi jhonke mein kaan se baale utar gae bhaagun vaali basti thi jahaan parinde utar gae ik din aisaa hosh aayaa saare nashe utar gae"

"us lab ki khaamushi ke sabab TuTtaa huun main dast-e-duaa mein rakkhaa huaa aaina huun main ab jaa ke ho sakegi mohabbat vasuq se khud se bichhaDte vaqt kisi se milaa huun main aabaad hai khazaane ki afvaah se vajud matruk jangalon kaa koi raasta huun main dastaar kaaghzi hai fazilat hai naam ki chhoTon ki mehrbaani se ghar mein baDaa huun main ro kar na soyaa jaae to kyaa niind kaa javaaz bistar ki har shikan mein paDaa jaagtaa huun main huun apni raushni ki aziyyat mein mubtalaa jaltaa huaa charaagh huun ulTaa paDaa huun main"

"kaise duniyaa kaa jaaeza kiyaa jaae dhyaan tujh se agar haTaa liyaa jaae tez aandhi mein ye bhi kaafi hai peD tasvir mein bachaa liyaa jaae ham jise chaahein apnaa kahte rahein vahi apnaa hai jis ko paa liyaa jaae ek hone ki qasmein khaai jaaein aur aakhir mein kuchh diyaa liyaa jaae zindagi maut ke dariche ko ek parda hai jab uThaa liyaa jaae kyuun na aaj apni bebasi kaa 'faraagh' duur se baiTh kar maza liyaa jaae"

"tire baad koi bhi gham asar nahin kar sakaa koi saaneha miri aankh tar nahin kar sakaa mujhe ilm thaa mujhe kam paDegi ye raushni so main inhisaar charaagh par nahin kar sakaa mujhe jhuuT ke vo javaaz pesh kiye gae kisi baat par main agar-magar nahin kar sakaa mujhe chaal chalne mein der ho gai aur main koi ek mohra idhar-udhar nahin kar sakaa kai paikaron ko mire khayaal ne shakl di jinhein runumaa miraa kuza-gar nahin kar sakaa mire aas-paas ki muflisi miri maazarat tiraa intizaam main apne ghar nahin kar sakaa"

"bhanvar se ye jo mujhe baadbaan khinchtaa hai zarur koi havaaon ke kaan khinchtaa hai kisi badan ki siyaahat niDhaal karti hai kisi ke haath kaa takiya thakaan khinchtaa hai nashist ke to talabgaar hi nahin ham log hamaare paanv se kyuun paaedaan khinchtaa hai badal ke dekh chuki hai reaayaa saahib-e-takht jo sar qalam nahin kartaa zabaan khinchtaa hai dikhaa rahaa hai kharidaar ban ke aaj mujhe jise lapeT ke rakkhun vo thaan khinchtaa hai charaaghon mein vo charaagh is liye numaayaan hai ham aise dekhne vaalon kaa dhyaan khinchtaa hai ye saaraa jhagDaa tire inhimaak kaa hi to hai sameTtaa hai koi daastaan khinchtaa hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"