chaand hai aur ek taara hai — Kazim Rizvi

"jaan ik zarbat-e-shamshir-e-do-dam aur sahi tan-e-sad-chaak pe duniyaa ke sitam aur sahi taaqat-e-jumbish-e-yak-gaam nahin hai lekin tere kuche ki taraf ek qadam aur sahi hain mire dil ko bahut dard mayassar phir bhi aap ki yaad kaa ik dast-e-karam aur sahi saans baaqi hai so chaltaa hi chalaa jaaungaa ju-e-gham aur sahi zor-e-sitam aur sahi phir hui jaati hai paidaa havas-e-sajda-e-shauq dil ke mandir mein koi taaza sanam aur sahi koi naqqaad na Thahraa mire aage 'kaazim' mudda'aa yuun hai ki ik shaikh-e-haram aur sahi"

"ek dariyaa-e-tilismaat ravaan kar Daalaa aap ke husn ne buDhon ko javaan kar Daalaa main ne izhaar kiyaa us ne jhukaa diin nazrein bin kahe kuchh mire mahbub ne haan kar Daalaa shauq-e-nazzaara ne imaan ki duniyaa luuTi dil-e-momin hadaf-e-chashm-e-butaan kar Daalaa kam na thi gardish-e-dauraan ki giraani mujh par teri yaadon ne use aur giraan kar Daalaa kaisaa naadaan huun ki ghazlon ke bahaane 'kaazim' main ne har raaz mohabbat kaa bayaan kar Daalaa"

"manzil-e-shauq ki raahon ne hamein maar liyaa yaa'ni rangin gunaahon ne hamein maar liyaa bach ke aae the abhi khanjar-e-qaatil se ki dost aap ki shokh nigaahon ne hamein maar liyaa yaar dekho to sahi manzar-e-e’jaaz-e-visaal un ke baazu ki panaahon ne hamein maar liyaa ye tire 'aib to kyaa ham ko hiraasaan karte aap apne hi gunaahon ne hamein maar liyaa bhari mahfil mein jo us shokh ko dekhaa 'kaazim' sab ki mashkuk nigaahon ne hamein maar liyaa"

"yuun nahin hai ki tiri baat pe bigDe hue hain ham to majburi-e-haalaat pe bigDe hue hain kuchh mire pyaar na karne pe bhi naaraaz hain vo kuchh zamaane ki khuraafaat pe bigDe hue hain dil kaa pakkaa huun magar mujh se mohabbat na karo naqsh jitne hain mire haat pe bigDe hue hain naam tak bhi miraa maa'lum nahin hai jin ko kyaa huaa hai ki miri zaat pe bigDe hue hain un se puchhe koi har shai pe bigaDne kaa maza din pe ghussa hain kabhi raat pe bigDe hue hain chand afraad ke be-rang nazariye 'kaazim' mere rangin khayaalaat pe bigDe hue hain"

"kuchh zabaan nahin khulti kaifiyat vo taari hai khaamushi ke lahje mein baat-chit jaari hai tum ko kyaa khabar kyaa hai 'aalam-e-shab-e-furqat jaan ko vahshatein laahaq dil ko be-qaraari hai bad-havaas aankhon se raaste ko taktaa huun kuchh samajh nahin aataa kis ki intizaari hai ghumti hai aankhon mein ek saanvli surat dil pe yaad kaa ghalba lab pe aah-o-zaari hai log meri ghazlon mein tum ko DhunD lete hain she’r-o-shaa’eri kab hai daastaan tumhaari hai jo the dil ki dil-jui duur ho chale 'kaazim' ab to mashghala apnaa sirf dil-figaari hai"

"dasht mein phuul ugaane kaa hunar jaantaa huun yaa'ni main she'r sunaane kaa hunar jaantaa huun ik tiri baat banaae nahin banti mujh se varna har baat banaane kaa hunar jaantaa huun tere kuche mein jo aaungaa Thahar jaaungaa kab yahaan aan ke jaane kaa hunar jaantaa huun haan khabar-daar ki ai naazish-e-khubaan-e-chaman main hasinon ko lubhaane kaa hunar jaantaa huun aankh se aankh laDaa dene kaa Dhab aataa hai honT se honT milaane kaa hunar jaantaa huun mere lafzon mein vo garmi hai ki jis se 'kaazim' aag paani mein lagaane kaa hunar jaantaa huun"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"